EMRAT – VIDEO/ Sekuestrohen 17 kilogramë hashash, prangosen vëllezërit dhe kushëriri i tyre

10:01, 15/01/2022

Sekuestrohen 17 kilogramë lëndë narkotike cannabis sativa nga policia e Lezhës.

Arrestohen në flagrancë 3 shtetasit që transportonin lëndën narkotike.

Të arrestuarit janë Altin Përshqefa, Shkelqim Përshqefa dhe Çelnik Përshqefa.

Mesohte se dy janë vëllezër, ndërsa i treti është kushëriri i tyre.

Ja njoftimi i plotë i policisë:

DVP Lezhë

Finalizohet operacioni policor i koduar “Bisakë”.

Operacioni nga Sektori për Hetimin e Krimeve kundër Narkotikëve, Forca Operacionale dhe Forca e Posaçme "Shqiponja" në DVP Lezhë, në bashkëpunim me Komisariatet e Policisë Lezhë dhe Mirditë, për goditjen e veprimtarisë kriminale në fushën e narkotikëve.

Sekuestrohen 17 kilogramë lëndë narkotike cannabis sativa.

Arrestohen në flagrancë 3 shtetasit që transportonin lëndën narkotike.

Në vijim të punës për parandalimin, evidentimin dhe goditjen e veprimtarisë kriminale në fushën e prodhimit dhe shitjes së lëndës narkotike cannabis sativa, nga shërbimet e Policisë Lezhë u bë i mundur finalizimi me sukses i operacionit të koduar “Bisakë”, në kuadër të të cilit u bë kapja dhe arrestimi në flagrancë i shtetasve:

A.P., 31 vjeç, Sh.P., 32 vjeç dhe Ç.P., 35 vjeç, banues në fshatin Bisakë, Mirditë.

Shërbimet e Policisë Lezhë kishin marrë informacione se këta shtetas po transportonin lëndë narkotike nga Mirdita në drejtim të Lezhës. Bazuar në këto informacione, në vendin e quajtur “Gëziq”, Mirditë, shërbimet e Policisë kanë ndaluar automjetin e dyshuar tip "Benz".

Gjatë kontrollit të automjetin me drejtues shtetasin A. P. dhe pasagjerë vëllain dhe kushëririn e tij, shërbimet e Policisë gjetën 17 kilogramë lëndë narkotike cannabis sativa, të cilat u sekuestruan cilësinë e provës materiale, së bashku me automjetin.

Nën drejtimin e Prokurorisë vijon puna për identifikimin dhe kapjen e personave të tjerë të përfshirë në këtë veprimtari kriminale.

Materialet procedurale i kaluan për ndjekje të mëtejshme, Prokurorisë së Rrethit Gjyqësor Lezhë, për veprën penale “Prodhimi dhe shitja e narkotikëve”, kryer në bashkëpunim.

© SYRI.net

Lexo edhe:

• Ironia/ Kryeministri spanjoll ia kthen Ramës, më mirë dorëzohu Edi, se më keq do bëhet
• ‘Protestat kundër korrupsionit’/ VOA: Protestuesit të vendosur, kërkojnë largimin e Erion Veliajt
• Alizoti: Kryeministri është i marrë peng nga kartelet