Merr të tjera përmasa ngjarja e rëndë në Fier që tronditi opinionin publik. Nëna dhe dy persona të afërme të familjes së 8-vjeçarit të vrarë në mënyrë makabre nga autori Klodian Çalamani, i janë drejtuar policisë së Fierit për të bërë një kallëzim penal.
“News24” raporton se nëna e Mateos dhe dy të afërmet kanë denoncuar një grua, të afërme të familjes, për të cilën kanë dyshime të forta se mund të ketë dijeni mbi krimin.
Mësohet se dyshimet e tyre bazohen tek disa qëndrime që kjo grua ka mbajtur gjatë gjithë ditëve pasi ndodhi krimi i rëndë.
Mësohet se familjarët kanë deklaruar që kanë ngritur dyshime pasi disa deklarata nga autori i ngjarjes, Klodian Çalamani, që janë bërë prej tij përpara se të zbulohej trupi i pajetë i 8-vjeçarit, janë të njëjta me ato të gruas, e cila sipas burimeve, është e madhe në moshë dhe banon fare pranë shtëpisë së 8-vjeçarit dhe asaj të autorit të ngjarjes.
“News24” raporton gjithashtu se ka qenë pikërisht i njëjti person ai që i ka thanë familjarëve të Mateos se një makinë kishte kaluar në rrugën pranë shtëpisë e ndoshta mund të kishte lidhje me humbjen e Mateos, deklaratë e njëjtë kjo edhe nga autori.
Gruaja për të cilën familjarët kanë dyshime pritet të merret në pyetje nga grupi i hetuesve.
© SYRI.net
Ironia/ Kryeministri spanjoll ia kthen Ramës, më mirë dorëzohu Edi, se më keq do bëhet
‘Protestat kundër korrupsionit’/ VOA: Protestuesit të vendosur, kërkojnë largimin e Erion Veliajt 
Alizoti: Kryeministri është i marrë peng nga kartelet
Denonco
Merrni lajmet më të fundit nga SYRI.net në çdo moment dhe kudo që të jeni!
