Një ngjarje e rëndë u shënua mbrëmjen e sotme në Durrës, ku pas një konflikti midis dy personave, njëri prej tyre mbeti i plagosur me armë zjarri.
Personi i plagosur, siç shikohet edhe në foton e siguruar, është i riu Arbër Tivari.
Ky i fundit njihet nga policia e Durrësit si person me precedend penalë.
Mbrëmjen e sotme Tivari është përplasur fillimisht me shtetasin Ardit Buçpapa.
Dyshimet e para janë se këta dy shtetas janë konfliktuar fillimisht për pazaret e drogës, pasi janë të skeduar si shpërndarës të lëndëve narkotike në doza të vogla në qytet.
Më pas ata janë përplasur me makinat respektive, ku sherri ka degjeneruar në përdorimin e armës së zjarrit, ku Tivari ka mbetur i plagosur në dorë dhe ka përfunduar në spital.
© SYRI.net