A do ta donit një situatë ku vetëm milionerët në Prishtinë merren me politikë? Besoj që jo.
Ka arsye të fortë për kompensimin e lartë të deputetëve dhe zyrtarëve të lartë.
Përveç parandalimit të korrupsionit, është çështja e përfaqësimit klasor dhe regjional.
Prandaj duhet të kemi kujdes me këto ofensivat populiste për kompensime sa më të vogla.
Ndoshta në afatin e shkurtë mendojmë që e zgjodhëm një problem, mirëpo rezultati nuk do të jetë i mirë.
Sistemet ku ka kompensim të ulët për zyrtarët publikë e mundësojnë korrupsionin dhe e vështirësojnë pjesëmarrjen në politikë për shtresat e mesme dhe të varfëra, dhe ata jashtë kryeqytetit.
E ndjej si obligim ta bëj koment si studiues i institucioneve.
Nuk janë problem dhjetra, qindra apo mijëra euro kompensim i politikanëve, problem janë vendimet e gabuara që kushtojnë miliona e miliarda euro.
Konkretisht, sa i përket shpenzimeve të udhëtimit të deputetëve, ato mund të kufizohen dhe të vërtetohen, por nuk ka nevojë të eliminohen.
© SYRI.net