Gjendet mjet i pashpërthyer në Rahovec, shpërthehet në mënyrë të kontrolluar nga FSK

Një mjet i dyshuar shpërthyes është gjetur pasditen e së mërkurës në Rahovec, gjatë punimeve në një shtëpi.

Sipas raportit 24-orësh të Policisë, rasti është raportuar rreth orës 15:40 nga një qytetar, i cili kishte hasur në mjetin e dyshimtë gjatë kryerjes së punimeve.

Menjëherë në vendin e ngjarjes kanë dalë njësitet policore, të cilat kanë siguruar perimetrin, ndërsa më pas ka ndërhyrë njësia për deminim e Forcës së Sigurisë së Kosovës (FSK).

Mjeti është shpërthyer në mënyrë të kontrolluar, pa shkaktuar incidente apo pasoja për qytetarët.

© SYRI.net

Lexo edhe:

• Haradinaj: Nëse opozita më propozon, do ta shqyrtoja kandidaturën për President
• Rritet konsumi i ujit, KRU “Prishtina” bën apel për përdorim të përgjegjshëm
• Kapet drogë me vlerë 60 mijë euro në Kaçanik, arrestohen dy shtetas të huaj