Personi që u plagos te Rruga B është zyrtar i IPK’së, incidenti nuk ndërlidhet me detyrën zyrtare

Një incident me armë zjarri ka ndodhur sonte në rrugën B, ku një person ka mbetur i plagosur.

Inspektorati Policor i Kosovës ka konfirmuar se personi që ka mbetur i plagosur është zyrtar i IPK’së.

Zëdhënësi i IPK’së, Arbër Beka, ka deklaruar për Reporteri.net se incidenti nuk ndërlidhet me detyrën zyrtare.

“IPK ju konfirmon se nê incidentin e raportuar sot reth orës 21:00 në rrugën “B” në Prishtinë është plagosur një zyrtar i IPK-së. Incidenti nuk ndërlidhet me detyrën zyrtare. Aktualisht policia dhe Prokuroia kanë filluar një hetim për zbardhjen e rasrit ndërkohë që janë në kërkim të personit të dyshuar i cili tashmë është indentifikuar”, ka thënë Beka.

Lidhur me gjendjen e tij, janë deklaruar nga Emergjenca.

Drejtori i Emergjencës, Naser Syla, ka deklaruar për Reporteri.net se gjendja e tij është stabile dhe jashtë rrezikut për jetë.

“Po, është sjellë një i plagosur me armë zjarri në Qendrën Emergjente. Gjendja është stabile për momentin, jashtë rrezikut për jetë. Pas ekzaminimeve në Qendrën Emergjente, do të transferohet në Klinikën e Ortopedisë”, ka deklaruar Syla.

Rastin për Reporteri.net e ka konfirmuar zëdhënësja e Policisë për Rajonin e Prishtinës, Florie Ahmeti.

Ajo tha se Policia është në kërkim të të dyshuarit që tashmë është identifikuar.

“Rreth orës 21:00 kemi marrë informatën për të shtëna me armë zjarri,në rrugën “B” në Prishtinë. Njësitet policore menjëherë kanë dalë në vendin e ngjarjes, nga ku është raportuar se një person është plagosur. Personi i plagosur, (mashkull), është dërguar për trajtim mjekësor. Aktualisht policia ka nisë një hetim për zbardhjen e rasrit ndërkohë që janë në kërkim të personit të dyshuar i cili tashmë është indentifikuar”, ka deklaruar Ahmeti.

© SYRI.net

Lexo edhe:

• Prokuroria Speciale paralajmëron ngritjen e aktakuzës për sulmin ndaj familjes Jashari
• LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama
• Sulmi ndaj shqiptarëve të Kosovës…/ Boçi-Ramës: Po përdor flamurin, plisin dhe UÇK-në për përçarje...