Fëmija 5 vjeç, i cili po trajtohet në Kujdesin Intensiv Pediatrik, i është nënshtruar sot një intervenimi kirurgjik në nivel të shputave. Operacioni është realizuar nga ekipet specialistike të Ortopedisë dhe Kirurgjisë Plastike, sipas indikacioneve mjekësore.
Sipas njoftimit nga Klinika e Pediatrisë, ndërhyrja ka përfunduar me sukses dhe gjendja e pacientit gjatë procedurës ka qenë stabile.
Pas operacionit, fëmija është rikthyer në Kujdesin Intensiv Pediatrik, ku po vazhdon trajtimin dhe mbikëqyrjen e afërt postoperatore.
Për shkak të ndjeshmërisë së rastit, autoritetet shëndetësore kanë bërë të ditur se për momentin nuk mund të jepen më shumë detaje. Çdo informacion i ri do të bëhet publik vetëm përmes Zyrës për Informim pranë SHSKUK-së.
Ndërkohë, ekipet mjekësore po vazhdojnë të ofrojnë përkujdesje maksimale, në përputhje me protokollet shëndetësore, duke kërkuar mirëkuptim nga mediat për të shmangur kërkesat shtesë për informacione.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Prokuroria Speciale paralajmëron ngritjen e aktakuzës për sulmin ndaj familjes Jashari
LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama
Sulmi ndaj shqiptarëve të Kosovës…/ Boçi-Ramës: Po përdor flamurin, plisin dhe UÇK-në për përçarje...