Gjykata Kushtetuese e Shqipërisë vendosi të mërkurën se ndalimi njëvjeçar i TikTokut nga qeveria, i cili përfundoi muajin e shkar, ishte antikushtetues dhe shkelte lirinë e fjalës.
Ndalimi, i vendosur vitin e kaluar dhe fillimisht i lidhur me vdekjen e një djali adoleshent pas bullizmit online, bëri që platforma kineze e videove të shkurtra TikTok të bllokohej për të gjithë përdoruesit në vend. Në atë kohë, TikTok tha se konflikti nuk kishte nisur në platformën e tij.
Ndalimi përfundoi me 5 shkurt 2026 dhe qeveria tha se arsyeja ishte vendosja e mekanizmave të rinj të sigurisë nga TikToku.
Në vendimin e saj të së mërkurës, Gjykata Kushtetuese tha se qeveria nuk kishte shqyrtuar mjaftueshëm pasojat e zbatimit të një ndalimi të tillë dhe nuk kishte “provuar bindshëm se bllokimi i përgjithshëm i platformës është mjeti i vetëm efektiv dhe i nevojshëm për të arritur objektivin e synuar”.
Gjykata shtoi gjithashtu se ndalimi shkelte lirinë e shtypit dhe lirinë e shprehjes.
Vendimi u mor pas një kërkese të paraqitur marsin e kaluar nga Asociacioni i Gazetarëve të Shqipërisë dhe Balkan Investigative Reporting Network.
Partitë opozitare e akuzuan qeverinë se po përpiqej t’i heshtte ato duke ndaluar platformën disa javë para zgjedhjeve parlamentare të vitit të kaluar, gjë që qeveria e mohon. / US News – Syri.net
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
IHMK: Java nis me reshje e stuhi lokale, nga e enjtja rikthehen temperaturat deri në 33 gradë
Prokuroria Speciale paralajmëron ngritjen e aktakuzës për sulmin ndaj familjes Jashari
LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama