Berisha: Ata që kanë bashkëpunuar me qeverinë nuk kanë të drejtë vote në PD

Në bashkëbisedimin me qytetarët në rrjetet sociale, kreu i PD u ndal edhe te rregullat e pjesëmarrjes në proceset e brendshme të partisë, veçanërisht në zgjedhjet primare.

Ai theksoi se personat që, sipas tij, kanë bashkëpunuar me qeverinë kundër Partisë Demokratike nuk mund të kenë të drejtë vote në strukturat dhe proceset vendimmarrëse të saj, ndërsa theksoi se vlerësimi për raste konkrete do t’u takojë degëve të partisë.

Sipas Berishës, demokratët që kanë mbetur mbështetës të PD-së, pavarësisht detyrave që mbajnë, nuk duhet të përjashtohen nga e drejta e votës.

Fjala e tij:

 Agron Molla: Doktor, kam një pyetje. Janë disa demokratë që tani kanë filluar punë në administratën Rama 4. A kanë të drejtë vote në përzgjedhjen e votës në primare?

Sali Berisha: Këtë duhet ta vlerësojnë degët e PD-së. Asnjë të drejtë vote as në primare, as në sekondare, asnjëherë, nuk kanë ata që kanë bashkëpunuar kundër PD me qeverinë. Natyrisht ata, të cilët, pavarësisht nga detyra ku janë, kanë qenë mbështetje e PD, nuk mund t’u mohojmë të drejtën e votës.

© SYRI.net

Lexo edhe:

• IHMK: Java nis me reshje e stuhi lokale, nga e enjtja rikthehen temperaturat deri në 33 gradë
• Prokuroria Speciale paralajmëron ngritjen e aktakuzës për sulmin ndaj familjes Jashari
• LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama