Osmani foli për “njerëz të papërgjegjshëm e me qëllime të rrezikshme”, Kurti: S’di pse ju shkon mendja te unë

Kryeministri Albin Kurti është pyetur lidhur me deklaratën e sotme të Presidentes Vjosa Osmani, e cila pasi shpërndau Kuvendin, tha se vendin në këtë situatë e sollën “njerëz të papërgjegjshëm e me qëllime të rrezikshme”.

Kurti ka thënë se Osmani nuk ka përmendur emra dhe se nuk e di pse po mendohet që e ka fjalën për të.

Ai shtoi se edhe nëse e ka pasur fjalën për të, përgjigja duhet të kërkohet te Osmani.

“Nëse znj.Presidente ’ka folur me emra, s’di pse ju shkon mendja te unë. Nëse flasim për përshtypje të përgjithshme, ajo është një gjë. Nëse flasim për të përveçëm, unë nuk e di që jemi përmendur aty. Nëse ju keni të drejtë, sërish unë besoj se përgjigjen duhet ta kërkoni tek ata që e thanë, jo tek hamendësimi se kush janë ata”, tha Kurti në konferencë.

Në fund tha se sipas tij, të papërgjegjshëm kanë qenë ata që kanë munguar në seancën e mbrëmshme, duke aluduar për opozitën.

“Unë besoj që të papërgjegjshëm kanë qenë ata që kanë munguar”, tha Kurti.

I pyetur përse partia e tij nuk e propozoi Osmanin për një mandat të dytë në krye të shtetit, ai theksoi se e dinte se Osmani nuk do të siguronte kuorum.

Kurti nënvizoi se kjo ndodhi pasi partia e kryesore opozitare, PDK, kërkoi që emrat për president të jenë nga partitë.

“Kur na u tha neve që duhet të bëhen veç propozime të partive ne përfunduam te emri i Glauk Konjufcës”, tha Kurti./Reporteri

© SYRI.net

Lexo edhe:

• IHMK: Java nis me reshje e stuhi lokale, nga e enjtja rikthehen temperaturat deri në 33 gradë
• Prokuroria Speciale paralajmëron ngritjen e aktakuzës për sulmin ndaj familjes Jashari
• LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama