Dogana me aksion në një depo në Prishtinë, zbulon mbi 500 mijë euro mallra të dyshuara për kontrabandë

Dogana e Kosovës ka zhvilluar sot një aksion në një depo në periferi të Prishtinës, ku dyshohej për mallra të kontrabanduara.

Gjatë kontrolli  është konstatuar një sasi e konsiderueshme mbathjesh me marka të mbrojtura tregtare. Depoja në fjalë nuk ishte e regjistruar si biznes dhe nuk posedonte asnjë dokumentacion që dëshmonte prejardhjen e mallit, shkruan Reporteri.net.

Vlera e mallit, sipas doganës, llogaritet mbi 500 mijë euro.

“Lidhur me rastin është njoftuar Prokuroria Themelore në Prishtinë, e cila ka udhëzuar zyrtarët doganorë për ndërmarrjen e veprimeve të mëtejshme hetimore. Aktualisht, malli është duke u sekuestruar dhe inventarizuar. Vlera e përafërt e mallit të dyshuar vlerësohet të jetë mbi 500,000.00 euro. Doganat e Kosovës mbeten të përkushtuara në luftimin e kontrabandës dhe mbrojtjen e ekonomisë formale, konkurrencës së ndershme dhe të drejtave të pronësisë intelektuale”, thuhet në njoftim.

© SYRI.net

Lexo edhe:

• IHMK: Java nis me reshje e stuhi lokale, nga e enjtja rikthehen temperaturat deri në 33 gradë
• Prokuroria Speciale paralajmëron ngritjen e aktakuzës për sulmin ndaj familjes Jashari
• LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama