Bajrami i kërkon zyrtares së BE’së heqjen e plotë të masave të masave ndaj Kosovës

Komisioni për Integrim Evropian, i kryesuar nga Hykmete Bajrami, ka pritur sot në takim Zuzana Michalcová Šutiaková, shefe e Divizionit për Ballkanin Perëndimor dhe Evropën Juglindore.

Bajrami ka kërkuar heqjen e plotë të masave të BE’së ndaj Kosovës dhe anëtarësimin e vendit në organizata dhe forume ndërkombëtare.

Sipas Bajramit, kjo do të ndikonte që Kosova ta ketë më të lehtë rrugëtimin e saj drejt BE-së.

“Ne mbetemi të palëkundur që Kosova të arrijë integrimin e saj të plotë dhe dëshirojmë që me një bashkëpunim të ngushtë të ndajmë suksesin”, ka theksuar Bajrami.

Michalcová Šutiaková ka deklaruar se se BE-ja është e gatshme të vazhdojë mbështetjen ndaj Kosovës në procesin e integrimit evropian dhe e vlerësoi rolin e Komisionit në përmbushjen e detyrimeve gjatë procesit të integrimit.

“Ajo po ashtu u shpreh se BE-ja vlerëson lart orientimin gjeostrategjik të Kosovës, ndërkaq nënvizoi se 70 për qind e detyrimeve në këtë proces i përkasin fushës së legjislativit”, thuhet në njoftim./Reporteri

© SYRI.net

Lexo edhe:

• IHMK: Java nis me reshje e stuhi lokale, nga e enjtja rikthehen temperaturat deri në 33 gradë
• Prokuroria Speciale paralajmëron ngritjen e aktakuzës për sulmin ndaj familjes Jashari
• LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama