Policia e Kosovës, përmes njësive të saj nga Drejtoria për Hetimin e Krimeve Ekonomike dhe Korrupsionit, në koordinim me Prokuroria Themelore në Ferizaj, ka ndërmarrë veprime të veçanta hetimore lidhur me një rast të dyshuar për “Marrje të ryshfetit” në Ferizaj.
Sipas njoftimit, si rezultat i veprimeve të shpejta hetimore, janë siguruar dëshmi të mjaftueshme se dy persona të dyshuar (meshkuj/kosovarë) kanë pranuar ryshfet në vlerë prej 400 eurosh, me premtimin se do të përshpejtonin procesin e realizimit të një kërkese për furnizim që viktima kishte parashtruar.
Të dyshuarit, sipas Policisë, paratë i kanë pranuar në zyrën e tyre, ndërsa shuma e njëjtë është gjetur dhe sekuestruar në atë zyrë, tek njëri prej tyre.
Në prani të avokatëve mbrojtës, të dyshuarit janë intervistuar lidhur me veprën penale “Pranimi i ryshfetit në sektorin privat”. Pas intervistimit, me vendim të prokurorit, ndaj tyre është caktuar masa e ndalimit.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
IHMK: Java nis me reshje e stuhi lokale, nga e enjtja rikthehen temperaturat deri në 33 gradë
Prokuroria Speciale paralajmëron ngritjen e aktakuzës për sulmin ndaj familjes Jashari
LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama