Policia tregon arsyet pse u shoqërua në stacion i moshuari gjatë protestës kundër shtrenjtimit të rrymës

Sot në Prishtinë u protestua  kundër shtrenjtimit të paralajmëruar të tarifave të energjisë elektrike.

Gjatë protestës një protestues u shoqërua nga Policia e Kosovës, e më pas është liruar në procedurë të rregullt.

Policia e Kosovës ka treguar arsyet e shoqërimit të tij.

Zëdhënësi i Policisë së Kosovës për rajonin e Prishtinës,  Enis Pllana tha se qytetari u shoqërua në Polici për shkak të dyshimit se hodhi një mjet tymues.

“Sot, rreth orës 13:00, në Prishtinë, gjatë zhvillimit të një proteste, një person është shoqëruar në stacion policor. Shoqërimi është bërë pasi i njëjti dyshohet se ka hedhur një mjet tymues. Të gjitha veprimet do të ndërmerren në koordinim me Prokurorin e Shtetit.”, tha Pllana.

© SYRI.net

Lexo edhe:

• IHMK: Java nis me reshje e stuhi lokale, nga e enjtja rikthehen temperaturat deri në 33 gradë
• Prokuroria Speciale paralajmëron ngritjen e aktakuzës për sulmin ndaj familjes Jashari
• LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama