Xhavit Islami: Diaspora si motor i ekonomisë, ligje reale dhe investime që hapin vende pune

Nga Gjeneva në Kuvend. Xhavit Islami hyn në garë me LDK, numri 91, me përvojë, punë dhe ndjeshmëri njerëzore

Xhavit Islami është një emër i njohur në botën e biznesit dhe humanizmit. Prej vitesh jeton dhe vepron në Gjenevë të Zvicrës, ku ka ndërtuar një rrugë të suksesshme profesionale. Tani ka vendosur ta kthejë këtë përvojë në shërbim të Kosovës, duke hyrë në garën për deputet në Kuvendin e Kosovës.

Në zgjedhjet e 28 dhjetorit, Islami kandidon në listën e Lidhjes Demokratike të Kosovës dhe mban numrin 91. Ai vjen me një qasje të qartë, të bazuar në punë, dije dhe përvojë reale nga ekonomitë e zhvilluara evropiane.

Me lidhje të forta me diasporën shqiptare në Zvicër dhe me vendlindjen, Xhavit Islami thekson se Kosova ka nevojë për ndryshime konkrete. Sipas tij, zhvillimi ekonomik duhet të jetë prioritet dhe politikat duhet t’i shërbejnë qytetarit të zakonshëm, jo vetëm statistikave.

Në intervistën për Syri.net Kosova, Islami flet hapur për rrugën e tij në biznes, për sfidat që i njeh nga afër dhe për pengesat me të cilat përballen investitorët në Kosovë. Ai vlerëson se mungesa e sigurisë ligjore dhe e politikave të qëndrueshme ka frenuar zhvillimin, ndaj kërkon një shtet që e sheh biznesin si partner.

Lexo edhe:  Xhavit Islami nga Gjeneva në garë për Kuvendin, biznesi dhe diaspora në shërbim të Kosovës

Xhavit Islami nga Gjeneva në garë për Kuvendin, biznesi dhe diaspora në shërbim të Kosovës

Një fokus të veçantë ia kushton diasporës. Sipas tij, investimet nga mërgata mund të jenë motor i fuqishëm ekonomik, nëse krijohen kushte të qarta, procedura të shpejta dhe mbrojtje ligjore. Ai premton angazhim për lehtësime tatimore dhe politika që hapin vende pune.

Përvoja e tij si afarist, thotë Islami, i jep një avantazh të madh. Ai e di çfarë kërkon një investitor dhe ku lindin problemet në praktikë. Në Kuvend synon ligje të zbatueshme dhe reale, jo vendime që mbesin vetëm në letër.

Islami flet edhe për rolin e arsimit, duke theksuar se pa përgatitje praktike dhe lidhje me tregun e punës, nuk ka zhvillim të qëndrueshëm. Ai beson se rinia duhet të ketë arsye të qëndrojë dhe të ndërtojë jetën në Kosovë.

I njohur për veprimtarinë e tij humanitare, Xhavit Islami thekson se zhvillimi ekonomik duhet të ketë gjithmonë në qendër njeriun. Ai shprehet qartë se, nëse zgjidhet deputet, pagën e tij do t’ua dedikojë personave në nevojë. Këtë e sheh si vazhdim të asaj që ka bërë edhe deri tani, me ndihmë direkte për familje dhe raste sociale.

Në fund, mesazhi i tij për votuesit është i thjeshtë dhe i drejtpërdrejtë. Të besojnë te puna, përvoja dhe sinqeriteti. Sipas tij, numri 91 në listën e LDK-së përfaqëson zhvillim, ekonomi të shëndoshë dhe shpresë reale për Kosovën.

© SYRI.net

Lexo edhe:

• Paga kalimtare: Mbi 150 mijë euro në muaj për ish-deputetët – thirrje për rishikim të ligjit
• Hapet thirrja për aplikim për pagesat direkte në bujqësi
• Kur do të ndodhë çertifikimi i rezultateve përfundimtare? Këto janë të rejat e fundit nga PZAP dhe KQZ