Osmani takohet me Kallas: Ritheksova domosdoshmërinë e heqjes së plotë të masave, të gjitha kushtet janë plotësuar

Presidentja e Kosovës, Vjosa Osmani në Bruksel ka takuar Përfaqësuesen e Lartë të BE-së, Kaja Kallas.

Ajo e ka falënderuar Kallas për mbështetjen e vazhdueshme për integrimin e Kosovës në BE.

“Në Bruksel, e falënderova Përfaqësuesen e Lartë Kaja Kallas për mbështetjen e saj të vazhdueshme për integrimin evropian të Kosovës”.

Në këtë takim, Osmani i ka theksuar Kallasit se masat ndaj Kosovës duhet të hiqen të plota, meqë të gjitha kushtet janë plotësuar.

“Pas njoftimit për heqje të pjesshme të masave, ritheksova domosdoshmërinë e heqjes së tyre të plotë, meqë të gjitha kushtet e vëna nga Bashkimi Evropian tanimë janë plotësuar. Ne do të vazhdojmë të punojmë ngushtë me znj. Kallas dhe me të gjithë partnerët tanë deri në heqjen e plotë të këtyre masave”, ka shkruar Osmani në Facebook.

© SYRI.net

Lexo edhe:

• 'S'ndalemi pavarësisht presioneve!' Qytetari: Nesër sindikatat protestë para Ministrisë së Ekonomisë
• Berlini flet për protestat në Shqipëri: Qytetarët kanë të drejtë të protestojnë
• VV’ja mohon se është e përfshirë në protestat në Tiranë: Nuk duhet të merret si shembull deklaratat e ndonjë zyrtari të Vetëvendosjes