“A ka marrëveshje?” – Kurti s’përgjigje kur pyetet për takimin me Limajn

Kryeministri në detyrë, Albin Kurti, nuk ka zbuluar nëse ka arritur ndonjë marrëveshje me kryetarin e Nismës, Fatmir Limaj.

I pyetur nga gazetarët për ndonjë marrëveshje me Nismën, Kurti nuk dha asnjë përgjigje.

Po ashtu, ai nuk komentoi as kur u pyet nëse do të rikthehet votimi i hapur.

Sot është tentativa e 50 për konstituimin e Kuvendit.

Janë bërë mbi tre muaj që kur deputetët çdo 48 orë po mblidhen në Kuvend.

Në seancën e fundit, të shtunën dështoi sërish të formohej Komisioni për Votimin e Fshehtë.

Kryesuesi i Kuvendit, Avdni Dehari, ashtu si në disa prej seancave të fundit, kërkoi nga regjia që t’ua ndalte mikrofonin në foltore, përfaqësuesve të PDK-së, LDK-së dhe AAK-së.

Gjykata Kushtetuese ka konstatuar që seanca konstituive e legjislaturës së nëntë të Kuvendit të Kosovës duhet të përfundojë më së voni për 30 ditë.

© SYRI.net

Lexo edhe:

• LDK-ja kërkon Presidencën, Lutfi Haziri thotë se ka edhe konsensus: Ose unë, ose Lumir Abdixhiku
• E zuri gjumi në timon dhe u përplas me kamionin, detaje nga aksidenti tragjik në Lezhë
• EKSKLUZIVE/ Gjykata e Lartë ndryshon Kodin e Procedurës Penale dy herë brenda 6 muajsh për të mbrojtur Olta Xhaçkën