Të dielën e 13 korrikut u shënua dështimi i 46-të për konstituimin e Kuvendit të Kosovës.
Derisa para nisjes së kësaj përpjekje, disa nga deputetët e zgjedhur të partive ish-opozitare u shprehën se nuk presin ndryshime të situatës, në njëfarë mënyre njëjtë u shpreh edhe e propozuara për kryetare të parlamentit, Albulena Haxhiu, e cila cilësoi se si dalje nga ngërçi politik është ndryshimi i qëndrimit të subjekteve tjera politike, e jo i Vetëvendosjes.
E si herëve të tjera, edhe sot seanca konstituive nisi me vonesë, megjithëse u krye për pak minuta.
Kryesuesi i kësaj seance, si më i vjetri në Kuvend, Avni Dehari ftoi partitë politike për të propozuar anëtarin për formimin e Komisionit për Votim të Fshehtë. Por, të zgjedhurit e partive ishin në një mision, t’ia bënin me dije Deharit që të kthehej në rendin e ditës, pasi sipas tyre, ashtu e ka kërkuar edhe aktgjykimi i Gjykatës Kushtetuese.
Por, kryesuesi i seancës si herët e mëparshme, edhe kësaj radhe ua ndërpreu fjalën deputetëve të betuar të PDK-së, LDK-së e AAK-së.
Me dështimin e formimit të këtij komisioni, u ndërprenë edhe punimet në Parlament, transmeton Klankosova.tv.
Por, deputetët e ish-opozitës nuk u larguan nga salla. Ata lëshuan mikrofonat në sallën plenare, ku nga aty bënë thirrje për reflektim nga ana e VV-së, derisa ia drejtuan gishtin edhe për bllokadën institucionale.
Seanca e ardhshme mbahet pas dy ditësh, më 15 korrik, duke shënuar kështu tremujorin e fillimit të procesit për konstituim të institucionit legjislativ.
A do të arrihet zgjidhja? Gjasat janë të pakta…
© SYRI.net
Basha: Aksidenti me vdekje në autostradë ndodhi pasi drejtuesi i automjetit e ka humbur kontrollin mbi veturën
Përplasjet e fundit, Sekretari i Përgjithshëm i LDK’së: Së shpejti do të mblidhen organet e partisë
Haziri: Vjosa Osmani mbetet i vetmi nominim i LDK-së për presidente, Lumir Abdixhiku adresa e vetme për proceset politike
Denonco
Merrni lajmet më të fundit nga SYRI.net në çdo moment dhe kudo që të jeni!
