Ministri i Financave, Hekuran Murati, ka ngritur akuza të ashpra ndaj Komunës së Prishtinës dhe kryetarit të saj, Përparim Rama, duke e cilësuar si “abuzim flagrant të parasë publike” një tender prej 16.5 milionë eurosh për grumbullimin e mbeturinave.
Përmes një postimi në Facebook, Murati ka zbuluar se Komuna e Prishtinës ka shpallur tender për t’ia dhënë këtë shërbim një kompanie private, pavarësisht se në qytet ekziston një ndërmarrje publike që tashmë merret me menaxhimin e mbeturinave.
“Pra, diçka që mund të kryhet nga Ndërmarrja Publike me pak më shumë bashkëpunim e koordinim, po tentohet t’i jepet një kompanie private, për 16.5 milionë euro,” shkruan Murati.
Sipas tij, kjo jo vetëm që është shpenzim i panevojshëm, por edhe rrezikon falimentimin e ndërmarrjes publike dhe largimin nga puna të qindra punëtorëve.
Ministri pyet publikisht: “Ku është prokuroria për këtë rast?”
Ky reagim vjen në kohën kur shpërdorimi i parasë publike është në fokus të debatit publik dhe kritikave ndaj mënyrës së menaxhimit të institucioneve komunale. Përparim Rama ende nuk ka reaguar lidhur me akuzat.
© SYRI.net
Basha: Aksidenti me vdekje në autostradë ndodhi pasi drejtuesi i automjetit e ka humbur kontrollin mbi veturën
Përplasjet e fundit, Sekretari i Përgjithshëm i LDK’së: Së shpejti do të mblidhen organet e partisë
Haziri: Vjosa Osmani mbetet i vetmi nominim i LDK-së për presidente, Lumir Abdixhiku adresa e vetme për proceset politike
Denonco
Merrni lajmet më të fundit nga SYRI.net në çdo moment dhe kudo që të jeni!
