Këta janë kanditatët për deputetë të partive që janë renditur të fundit në listë me më së paku vota

Komisioni Qendror i Zgjedhjeve, ka përditësuar të dhënat e fundit në lidhje me votat e kandidatëve për deputetë.

Në përditësimin e bërë me 99.96%, janë mësuar se cilët janë kandidatët për deputetë të partive që janë renditur të fundit në listë, gjithnjë pa llogaritur votat e disaporës dhe ato me kusht, shkruan Reporteri.net.

Kandidatja që është renditur e fundit me më së paku vota në listën e VV-së është Brunilda Gjura Tafili me 34846 vota.

Kandidatja që është renditur e fundit me më së paku vota në listën e PDK-së është Arta Nallbani me 2676 vota.

Kandidatja që është renditur e fundit me më së paku vota në listën e LDK-së është Sevdije Lama me 1780 vota.

Kandidati që është renditur i fundit me më së paku vota në listën e AAK-së është Agim Preniqi me vetëm 347 vota.

Komisioni Qendror i Zgjedhjeve ka njoftuar se të premten në mbrëmje, është përmbyllur procesi i numërimit të votave të kandidatëve për deputetë dhe verifikimit të votave të subjekteve politike nga formularët e plotësuar në vendvotime më 9 shkurt.

Gjatë javës së ardhshme nis numërimi i votave nga diaspora dhe atyre me kusht.

Në njoftimin e KQZ-së thuhet se në 38 Qendrat Komunale të Numërimit, Komisioni Qendror i Zgjedhjeve ka ofruar transparencë të plotë të procesit të numërimit duke prezantuar në ekrane punën e çdo ekipi të numërimit, përfshirë pamjen e fletëvotimeve të plotësuara në vendvotime nga votuesit dhe krijimin e formularëve digjital.

“Gjatë kësaj periudhe, numri i vendvotimeve të rregullta që janë numëruar është 2,533, në të cilat më 9 shkurt 2025 janë mbajtur Zgjedhjet për Kuvendin e Kosovës. Në Qendrat Komunale të Numërimit, përveç procesit të numërimit të votave të kandidatëve për deputetë, është bërë edhe verifikimi i votave të subjekteve politike nga formularët të cilët janë plotësuar në vendvotime pas numërimit të votave për subjektet politike.”, thuhet në njoftim.

© SYRI.net

Lexo edhe:

• LDK-ja kërkon Presidencën, Lutfi Haziri thotë se ka edhe konsensus: Ose unë, ose Lumir Abdixhiku
• E zuri gjumi në timon dhe u përplas me kamionin, detaje nga aksidenti tragjik në Lezhë
• EKSKLUZIVE/ Gjykata e Lartë ndryshon Kodin e Procedurës Penale dy herë brenda 6 muajsh për të mbrojtur Olta Xhaçkën