Kuvendi s’e miraton rezolutën e PDK-së për adresimin e gjetjeve të raportit të DASh-it

Kuvendi i Kosovës nuk e ka votuar rezolutën për adresimin e gjetjeve të raportit të Departamentit Amerikan të Shtetit.

Pro kësaj rezolute që ishte propozuar nga PDK-ja, ishin vetëm dy deputetë, një ishte kundër kurse 58 të tjerë abstenuan.

Rezoluta e PDK-së ishte tri pikëshe, ku në pikën e parë, sipas tyre, obligohej qeveria që në afat prej 30 ditësh të hartojë plan konkret për adresimin e gjetjeve të raportit të DASh-it.

Në pikën e dytë thuhej se “Plani nga pika I e kësaj rezolute duhet të përmbajë masa dhe veprime konkrete për secilën gjetje të raportit si dhe afatin për përmbushjen e tyre nga institucionet respective”.

Ndërsa në pikën tre, kërkohej nga qeveria që brenda afateve objektive të raportojë në kuvend për implementimin e masave.

© SYRI.net

Lexo edhe:

• Avokati i Popullit: Raporti i ekspertëve britanikë ka nxitë debat dhe ua ka hapë sytë shteteve financuese të Speciales
• 'S'ndalemi pavarësisht presioneve!' Qytetari: Nesër sindikatat protestë para Ministrisë së Ekonomisë
• Berlini flet për protestat në Shqipëri: Qytetarët kanë të drejtë të protestojnë