Kurti për përmbytjet në Spanjë: Qëndrojmë me qeverinë spanjolle

Kryeministri i vendit, Albin Kurti, ka ngushëlluar familjarët e viktimave që humbën jetën nga përmbytjet në Spanjē.

Përmes një postimi “X”, Kurti ka shkruar se Kosova qëndron me qeverinë dhe popullin e Spanjës, të cilët po përballen me përmbytje shkatërruese.

“Mendimet tona janë me qeverinë spanjolle dhe popullin e Spanjës ndërsa përballen me përmbytjet vdekjeprurëse dhe shkatërruese. Kosova u dërgon ngushëllime familjeve të viktimave të shumta dhe solidarizohet me komunitetet e prekura, si dhe me reaguesit e emergjencës në përpjekjet e tyre të palodhura për të sjellë lehtësim”, thuhet në postimin e Kurtit.

Mediat ndërkombëtare kanë raportuar se deri më tani janë regjistruar 51 persona të vdekur nga përmbytjet.

© SYRI.net

Lexo edhe:

• Avokati i Popullit: Raporti i ekspertëve britanikë ka nxitë debat dhe ua ka hapë sytë shteteve financuese të Speciales
• 'S'ndalemi pavarësisht presioneve!' Qytetari: Nesër sindikatat protestë para Ministrisë së Ekonomisë
• Berlini flet për protestat në Shqipëri: Qytetarët kanë të drejtë të protestojnë