Rama njofton për vendosjen e 101 kontejnerëve nëpër Prishtinë për mbeturinat e vëllimshme dhe ndërtimore

Kryetari i Komunës së Prishtinës, Perparim Rama, ka bërë të ditur se nëpër kryeqytet janë duke u vendosur kontejnerë për grumbullimin e mbeturinave të vëllimshme dhe atyre ndërtimore.

Rama ka thënë se kjo po bëhet bashkë me drejtorin Bekim Brestovci dhe kontejnerë të tillë do të vendosen në 101 lokacione të ndryshme nëpër kryeqytet.

Postimi i tij:

Vendosen kontejnerët për grumbullimin e mbeturinave të vëllimshme dhe atyre ndërtimore

Me drejtorin Bekim Brestovci, po e realizojmë edhe një nga premtimet tona më të rëndësishme: vendosjen e kntejnerëve në 101 lokacione të ndryshme në kryeqytet për grumbullimin e mbeturinave të vëllimshme dhe atyre ndërtimore.

Ky proces po realizohet për herë të parë në Kosovë e në rajon.

Grumbullimi i këtyre mbeturinave do të ndihmojë në përmirësimin e pastërtisë dhe menaxhimit të mbeturinave, duke krijuar një mjedis më të pastër për të gjithë qytetarët tanë.

© SYRI.net

Lexo edhe:

• IHMK: Java nis me reshje e stuhi lokale, nga e enjtja rikthehen temperaturat deri në 33 gradë
• Prokuroria Speciale paralajmëron ngritjen e aktakuzës për sulmin ndaj familjes Jashari
• LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama