Presidentja Osmani thotë se ka zhvilluar një takim historik me Presidentin e Çekisë

Kur të gjithë aleatët po e kritikojnë ashpër Qeverinë për aksionin që Policia e Kosovës mori dje në veri të vendit ku mbylli pesë objekte të komunave ilegale dhe sot ura e Ibrit është ‘blinduar’ nga KFOR-i, presidentja e vendit, Vjosa Osmani, është lajmëruar përmes një postimi në Facebook, jo për të folur për zhvillimet e fundit, por ka njoftuar për takimin që e ka zhvilluar me Presidentin e Çekisë.

Ajo takimin me presidentin çek, Petr Pavel, e ka quajtur historik.

“Për herë të parë në historinë e raporteve midis Kosovës dhe Çekisë, sot, realizuam takimin e parë bilateral në nivel presidentësh”, ka shkruar Osmani.

“Takimi i sotëm me Presidentin çek Petr Pavel u fokusua në angazhimin tonë të përbashkët për paqe dhe siguri afatgjate në Evropë, si dhe në forcimin e partneritetit midis dy shteteve tona. ”, ka shkruar Osmani.

© SYRI.net

Lexo edhe:

• LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama
• Sulmi ndaj shqiptarëve të Kosovës…/ Boçi-Ramës: Po përdor flamurin, plisin dhe UÇK-në për përçarje...
• Haradinaj: Nëse opozita më propozon, do ta shqyrtoja kandidaturën për President