Një ngjarje tragjike që përfundoi me vrasje ka tronditur Vranjevcin sonte. Për motive akoma të panjohura, një grua ka ekzekutuar vëllain e bashkëshortit – kunatin e saj.
Sipas mediave në Kosovë i vrarë ka mbetur Xhevdet Millaku, rreth 60 vjeçar.
Siç mësohet gruaja e dyshuar për vrasjen është Nazmije Millaku, rreth 55 vjeçe.
Gruaja e dyshuar dhe kunati që e privoi nga jeta jetonin në të njëjtën shtëpi, por që i kishin hyrjet e ndara.
E dyshuara tashmë është arrestuar, ndërsa vendi ku ndodhi krimi është rrethuar me shirita dhe është mbushur përplot me policë.
Trupi i pajetë pritet të tërhiqet për t’u dërguar në obduksion.
Rastin e ka konfirmuar edhe Policia e Prishtinës, e cila ka treguar se ngjarja ka ndodh sonte rreth orës 19:20, në rrugën “Ismet Krasniqi” në Prishtinë.
“Menjëherë policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Lidhur me rastin është vetëdorzuar një person e dyshuara: -N.M. femër”, njofton Policia.
Akoma s’dihen rrethanat në të cilat ka ndodhur ky rast i rëndë.
Por, aktualisht hetuesit policorë, në koordinim me Prokurorin e Shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë rast.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kapet drogë me vlerë 60 mijë euro në Kaçanik, arrestohen dy shtetas të huaj
Vdes në QKUK fëmija që ishte rrëzuar me trotinet elektrik në Gjilan
Këto janë çmimet e derivateve për sot dhe nesër