Atiq njofton se janë larguar grilat që rrethojnë objektin e Komunës në Mitrovicën e Veriut

Kryetari i Komunës së Mitrovicës së Veriut, Erden Atiq, ka bërë të ditur se janë larguar grilat që rrethojnë objektin e kësaj komune.

Atiqi përmes një postimi në Facebook ka thënë se kjo është bërë pas vlerësimit profesional se situata e sigurisë është përmirësuar në mënyrë të dukshme.

“Pas vlerësimit profesional se situata e sigurisë në Mitrovicën e Veriut është përmirësuar dukshëm, me kërkesën time sot janë larguar grilat që rrethojnë objektin e Komunës së Mitrovicës së Veriut”, ka shkruar Atiqi në Facebook.

Sipas Atiqit, nuk “duhet dhe nuk do të ketë barriera mes atyre që u shërbejnë qytetarëve dhe vetë qytetarëve”.

© SYRI.net

Lexo edhe:

• Kapet drogë me vlerë 60 mijë euro në Kaçanik, arrestohen dy shtetas të huaj
• Vdes në QKUK fëmija që ishte rrëzuar me trotinet elektrik në Gjilan
• Këto janë çmimet e derivateve për sot dhe nesër