Qeveria e Kosovës ia ka ndaluar vizitën në Pejë patriarkut Porfirije . Burime e Syri.net Kosovës brenda Qeverisë bëjmë me dije se atij nuk iu dhënë leja të hy në Kosovë, ku do të merrte pjesë në një ceremoni fetare në patrikanën e Pejës.
"Lidhur me kërkesën e Patriarkut tё Kishёs Ortodokse Serbe, Porfirie, për të vizituar Patriarkanën e Pejës më 13.05.2024, ju njoftojmë se Ministria e Punëve të Jashtme dhe Diasporës e ka refuzuar këtë kërkesë.
Përderisa Serbia vazhdon të shkelë marrëveshjen e Brukselit, të mos lejojë vizitat e zyrtarëve tanë shtetërorë në Serbi dhe për më tepër të mos ndalet me fushata kundër Republikës së Kosovës në arenën ndërkombëtare, si në proceset integruese ashtu edhe ato të njohjes, të vazhdojë të përdorë gjuhë të urrejtjes dhe kërcënime kundër Republikës së Kosovës dhe përfaqësuesve të saj, nuk do të lejohen vizitat as nga ana jonë.
Ashtu siç dihet, Serbia ka krijuar grup ministror për ta shkelur marrëveshjen bazike dhe për të penguar anëtarësimin e Republikës së Kosovës në Këshillin e Evropës dhe përderisa vazhdon me këtë çasje dhe luftë me çdo mjet kundër Kosovës nuk do këtë aprovim te vizitave të tilla.
Ne inkurajojmë Serbinë që të zbatojë marrëveshjen bazike dhe të veprojë me reciprocitet në raport me Kosovën dhe vizitat e ndërsjella.", thuhet nga ky burim.
Kujtojmë se në Patrikanën e Pejës fillon nesër Kuvendi i rregult vjetor i Kishës Ortodokse Serbe, në njoftim thuhet se Kosova do të jetë një nga temat kryesore të këtij takimi të kryesisë kishtare.
© SYRI.net
Pse është problematike Deklarata e “Kuvendit gjithëserb”?
13 Qershor – Dita Botërore e Ndërgjegjësimit për Albinizmin
Në këtë orë do të falet Kurban Bajrami
Denonco
Merrni lajmet më të fundit nga SYRI.net në çdo moment dhe kudo që të jeni!
