Agjencia për Konfiskimin dhe Administrimin e Pasurisë së Sekuestruar është duke zhvilluar një kontroll në objektin e restorantit “Grey” që ka qenë pronë e ish-zyrtarit të Listës Serbe të sanksionuar nga SHBA, Milan Radoiçiq.
Zëdhënësi i Policisë së Kosovës për Veri, Veton Elshani, për IndeksOnline, ka thënë se Agjencia është duke e bërë evidentimin e pasurisë së sekuestruar.
“Po bëhet evidentimi i pasurisë së sekuestruar nga ana e Agjencisë”, ka thënë Elshani shkurt për IndeksOnline.
Restoranti në pronësi të Milan Radoiçiq, autorit dhe organizatorit të sulmit të sulmit terrorist të 24 shtatorit, ishte sekuestruar më 4 prill.
© SYRI.net