Gjykata Speciale e ka konfirmuar lajmin se ish-Presidenti i Kosovës, Hashim Thaçi ndodhet në Kosovë.
Nga Specialja kanë treguar se Thaçi po i bënë një vizitë familjes.
Më tej nga Kjo gjykatë kanë treguar se ish-Presidenti Thaçi mbetet në paraburgim dhe se vizita e tij po asistohet nga EULEX-i dhe Policia e Kosovës.
“Për shkak të arsyeve bindëse humanitare, Trupi Gjykues ka udhëzuar Sekretarin që të menaxhojë një vizitë paraburgimi në Kosovë për Hashim Thaçin për të takuar familjen. I akuzuari mbetet në paraburgim nga Dhomat e Specializuara. EULEX-i dhe Policia e Kosovës po mbështesin Dhomat e Specializuara të Kosovës”, thuhet në përgjigjen e Gjykatës Speciale për Front Online.
Mësohet se arsyeja e ardhjes së Thaçit është për ta vizituar nënën e tij, e cila ditë më parë kishte edhe probleme shëndetësore.
Nëna e ish-presidentit Hashim Thaçi, ishte liruar ditë më parë nga QKUK-ja, ku ishte trajtuar pesë ditë radhazi.
Ajo, tani është duke u trajtuar nga mjekët në kushte shtëpiake.
Hashim Thaçi pritet që gjatë ditës të kthehet në Hagë.
© SYRI.net
350 kandidatë iu nënshtruan testit kualifikues për 24 prokurorë të rinj të shtetit
Shtime: Tre anëtarë të një familje dërgohen në Emergjencë, u rrahën mes vete
Parashikimi i motit për pesë ditë
Denonco
Merrni lajmet më të fundit nga SYRI.net në çdo moment dhe kudo që të jeni!
