Grafikoni, në veri është ndalur rritja e shpenzimeve të energjisë elektrike

12:30, 14/02/2023

Lufta ndaj krimit të organizuar në veri të Kosovës ka ndihmuar në ndaljen e rritjes së shpenzimeve të energjisë elektrike.

Kështu ka thënë ministrja e Ekonomisë, Artane Rizvanolli, duke shtuar se “lufta ndaj krimit të organizuar shpaguhet në shumë mënyra”.

Me anë të një postimi në Twitter, Rizvanolli ka shpërndarë postimin e ministrit të Brendshëm për shkatërrimin e tre laboratorëve të drogës në veri.

“Për shkak të operacioneve kundër kultivimit të drogës dhe mihjes së kriptovalutave, rritja jonormale e konsumit të energjisë që është parë viteve të fundit në katër komunat në veri të Kosovës, është ndalur”, shkroi Rizvanolli.

Për këtë, ajo ka publikuar një grafikon, në të cilin, në vitin 2022 ka 3 për qind rënie të konsumit të energjisë elektrike në këto komuna.

 

The fight against organised crime pays off in multiple ways!
Due to such operations against illegal drug farming & cryptomining, abnormal growth📈of ⚡️ consumption seen in recent years in the 4 municipalities in the north of 🇽🇰 has been halted! @XSvecla & @PoliciaEKosoves👏 https://t.co/vvhdDZSnXt pic.twitter.com/OQXM9hEY2w

— Artane Rizvanolli (@Artane_R) February 14, 2023

 

© SYRI.net

Lexo edhe:

• 350 kandidatë iu nënshtruan testit kualifikues për 24 prokurorë të rinj të shtetit
• Shtime: Tre anëtarë të një familje dërgohen në Emergjencë, u rrahën mes vete
• Parashikimi i motit për pesë ditë