Pas fillimit të luftës nga ana e Rusisë në Ukrainë, shumë vende i kanë vendosur sanksione shtetit të Vladimir Putinit. Ditëve të fundit Rusia është në panik se sanksione mund t’i vendosen edhe nga shteti i Serbisë.
“Qëllimi i Uashingtonit dhe Brukselit në marrëdhëniet me Serbinë është të thyejnë vullnetin politik të lidershipit serb dhe ta detyrojnë atë të vendos sanksione kundër Rusisë”. Kështu ka deklaruar zëdhënësja e Ministrisë së Punëve të Jashtme ruse, Maria Zakharova.
Zakharova ka theksuar se Perëndimi është duke bërë presion të ashpër ndaj Serbisë për ta tërhequr në frontin anti-rus.
“Qëllimi i tyre nuk është të stabilizojë rajonin, por të thyejnë vullnetin politik të lidershipit serb dhe ta detyrojnë atë t’i bashkohet regjimit të sanksioneve kundër Rusisë”, deklaroi zëdhënësja ruse.
Ajo e quajti spekulim historinë se Rusia po i bën presion Beogradit. Po ashtu, ajo shtoi se politika ruse ndaj Serbisë e cila për vite ka qenë nën presion të vazhdueshëm nga perëndimi mbetet e pandryshuar.
Zakharova përmendi edhe Asociacionin e Komunave me Shumicë Serbe në Kosovë. Ajo tha se kjo marrëveshje duhet të zbatohet me kompetenca ekzekutive.
“Ne mbështesim vazhdimisht Beogradin i cili qëndron për sovranitet dhe integritet territorial në luftën për mbrojtjen e Kosovës. Ne insistojmë që problemi i Kosovës të zgjidhet në bazë të së drejtës ndërkombëtare në kuadër të Rezolutës 1244 të Këshillit të Sigurimit të OKB-së”, përfundoi Zakharova.
© SYRI.net
350 kandidatë iu nënshtruan testit kualifikues për 24 prokurorë të rinj të shtetit
Shtime: Tre anëtarë të një familje dërgohen në Emergjencë, u rrahën mes vete
Parashikimi i motit për pesë ditë
Denonco
Merrni lajmet më të fundit nga SYRI.net në çdo moment dhe kudo që të jeni!
