"Jovica Stanishiç, ish-shefi i shërbimit sekret serb, njeriu më i afërt me Sllodoban Millosheviç, ishte i lidhur me CIA-n".
Kështu u shpreh analisti Baton Haxhiu në Çim Peka Live.
Ai tha se Stanishiç u mbrojt nga CIA edhe gjatë gjyqit në gjykatën e Hagës, duke mos marrë dënimin e merituar për gjenocidin në Kosovë.
Baton Haxhiu pranoi në Çim Peka Live se ka takuar Stanishiçin në vitin 1997 në Prishtinë, duke theksuar se në atë takim kishte kërkuar pavarësinë e Kosovës.
Pjesë nga intervista
Çim Peka: Është Stanishiç kriminel?
Baton Haxhiu: Natyrisht. Më vonë e kemi mësuar gjatë gjykimit në Hagë, kur i kam lexuar dosjet për t'u ballafaquar me Millosheviç, ai ka qenë njeri i afërt me shefin Europian të CIA-s. Por megjithatë, nga mënyra si ka udhëhequr berretat e kuqe dhe të gjelbra, është një prej njerëzve që ka patur një grup të pamëshirshëm në ndërtimin e krimeve.
Çim Peka: Ishte i lidhur me CIA-n?
Baton Haxhiu: Dokumenti zyrtar thotë po. Kur kemi lexuar dokumentacionin, gjatë kohës kur kemi dëshmuar kundër Millosheviçit ka dalë që ai ka patur bashkëpunim me ta.
Çim Peka: Lini të kuptohet se CIA të përdor dhe në fund të shet...
Baton Haxhiu: Nga ajo që unë kam parë, ata e kanë mbrojtur. Përndryshe ai do të dënohej si të gjithë të tjerët me mbi 20 vjet burg.
© SYRI.net
350 kandidatë iu nënshtruan testit kualifikues për 24 prokurorë të rinj të shtetit
Shtime: Tre anëtarë të një familje dërgohen në Emergjencë, u rrahën mes vete
Parashikimi i motit për pesë ditë
Denonco
Merrni lajmet më të fundit nga SYRI.net në çdo moment dhe kudo që të jeni!
