Thirrja e presidentit të Serbisë, Aleskandar Vuçiq, është dërguar në vend nga kryetari i Listës Serbe, Goran Rakiq. Ai ka formuar “Shtabin e Krizave”, nga ku iu ka kërkuar serbëve që të mos sulmojnë më EULEX-in dhe KFOR-in.
Kryetari i Listës Serbe, Goran Rakiq, ka bërë të ditur mbrëmjen e sotme (të dielën e 11 dhjetorit) se për shkak të “kompleksitetit të situatës” në veri të Kosovës, është formuar ‘Shtabi i Krizave’, i cili do të raportojë para mediave për situatën në terren.
Sulmet mbi EULEX-in në veri, kanë shtyre presidentin e Serbisë, Aleksandër Vuçiq, t’iu kërkojë serbëve lokal të Kosovës që të mos sulmojnë më ata por, t’i respektojnë KFOR-in dhe EULEX-in, dhe po atyre t’iu ndihmojnë nëse kanë nevojë.
“Prania e tyre është në përputhje me Rezolutën 1244 të Këshillit të Sigurimit të OKB-së. Kërkoj nga të gjithë qytetarët që të takojnë çdo pjesëtar të EULEX-it dhe KFOR-it dhe t’i ndihmojnë nëse kanë nevojë për ndihmë nga ana jonë”, ka deklaruar Rakiq.
Rakiq ka thënë se tensionet nuk janë zbutur dhe se po mblidhen gjithnjë e më shumë qytetarë, por edhe se kryeministri i Kosovës, Albin Kurti, me deklaratat e sotme “e ndezi zjarrin, dhe trembi familjet tona”.
Megjithatë, Rakiq ka shtuar se serbët nuk duan të bien në provokimet e Kosovës, pasi sipas tij, “Prishtina dëshiron pikërisht këtë”.
“Ata vazhdimisht kryejnë veprime për të provokuar reagimin tonë dhe na fajësojnë se jemi shkatërrues dhe faktorë përçarës – siç na quajnë ata”, ka akuzuar Rakiq.
© SYRI.net
350 kandidatë iu nënshtruan testit kualifikues për 24 prokurorë të rinj të shtetit
Shtime: Tre anëtarë të një familje dërgohen në Emergjencë, u rrahën mes vete
Parashikimi i motit për pesë ditë
Denonco
Merrni lajmet më të fundit nga SYRI.net në çdo moment dhe kudo që të jeni!
