Kryeministri i Kosovës, Albin Kurti, i është kundërpërgjigjur deklaratës së Presidentit Vuçiq se do të kërkojnë kthimin e forcave ushtarake serbe në Kosovë.
Kurti ka thënë se Kosova nuk dëshiron konflikte, por se nëse do vijë deri te kjo, Republika e Kosovës do të mbrohet me forcë e vendosmëri.
“Presidenti dhe kryeministri i Serbisë kanë kërcënuar edhe me agresion ushtarak, duke kërkuar që ushtria serbe të kthehet në territorin tonë. Ne nuk kërkojmë konflikt, por dialog dhe paqe. Por më lejoni të jem i qartë: Republika e Kosovës do të mbrohet me forcë dhe vendosmëri”, ka shkruar Kurti.
Kryeministri theksoi se po punojnë me KFOR’in që situata aktuale në veri të vendit të zgjidhet në mënyrë paqësore.
“Me zgjidhjen e çështjes së targave dhe vonesën e zgjedhjeve, bandave kriminale në veri të Kosovës u mungon edhe preteksti më i dobët për barrikada dhe sulme të dhunshme ndaj Policisë së Kosovës. Në bashkëpunim me KFOR-in, ne po punojmë për të adresuar situatën shpejt dhe në mënyrë paqësore”, ka shkruar Kurti.
Presidenti i Serbisë, Aleksandar Vuçiq, paralajmëroi të shtunën se autoritetet serbe do të bëjnë kërkesë te misioni i NATO-s në Kosovë, KFOR, që në përputhje me Rezolutën 1244, të sigurojnë dislokimin e pjesëtarëve të ushtrisë dhe policisë serbe në territorin e Kosovës.
Vuçiq pretendon se sipas Rezolutës 1244, Serbia ka të drejtë të kthejë forcat e saj në territorin e Republikës e Kosovës.
© SYRI.net
Ministri francez: Çështja e Kosovës mund të shkaktojë përçarje në KiE
Deputetja e “Guxo”: Dhurata ideale në ditëlindjen e presidentes Osmani sot, do të ishte një lajm i mirë për Kosovën në KiE
'Kosova duhet të hyjë në KiE'/ Gjermania apel Prishtinës për Asocacionin
Denonco
Merrni lajmet më të fundit nga SYRI.net në çdo moment dhe kudo që të jeni!
