Prishtinë - Kryetari i Aleancës për Ardhmërinë e Kosovës, Ramush Haradinaj, ka thënë se subjekti i tij politik do të mbështesë shpërndarjen e legjislaturës aktuale vetëm në rast të dorëheqjes ose shkarkimit të kryeministrit Albin Kurti.
Reagimi i Haradinajt vjen pas takimit të djeshëm të kryeministrit Kurti me kreun e PDK-së, Memli Krasniqi.
“Aleanca për Ardhmërinë e Kosovës, do të mund ta mbështeste shpërbërjen e Parlamentit, vetëm pas dorëheqjes apo shkarkimit të kryeministrit. Në situatën në të cilën jemi aktualisht, të gjitha dështimet e Kosovës, brenda dhe jashtë, e kanë vetëm një emër – Qeveria e udhëhequr nga Albin Kurti”, ka shkruar Haradinaj, sipas RTK.
Ai ka thënë së fundmi është aktualizuar një nismë për shpërbërjen e parlamentit, e që sipas tij s’ka asnjë mëdyshje se prapa kësaj nisme është kryeministri.
“Duket që po i rrëshqet toka nën këmbë dhe dëshpërimisht po e kërkon shpëtimin e vet. Në këtë prizmë duhet parë edhe insistimi i tij që pas tre vjet qeverisjeje, më në fund kërkon takim me liderët e opozitës, në mos ata po bëhen shpëtimtarët e tij”, ka shkruar Haradinaj.
© SYRI.net
Aliu e Hargreave flasin marrëdhëniet dy-palësh në nivel politik e ekonomik
LDK-ja merr vendimin final për zgjedhje, ja temat kryesore që sot u vendosën në mbledhjen e thirrur nga Abdixhiku
Tre kryetarë komunash nga LDK do të jenë edhe kandidatë për deputetë
Denonco
Merrni lajmet më të fundit nga SYRI.net në çdo moment dhe kudo që të jeni!
