Serbia duhet të vendosë në anën e kujt dëshiron të jetë, tha presidentja e Komisionit Evropian, Ursula von der Layen.
“Ne duam Serbinë me ne, por për këtë na duhen prova të qarta se vendi ndan vlerat tona, si sundimi i ligjit dhe demokracia, dhe se dënon pushtimin rus”, tha Von der Layen në një intervistë për të përditshmen austriake Wiener Zeitung.
Ajo nënvizoi se angazhimi në politikën e jashtme të vendeve kandidate është shumë i rëndësishëm.
E pyetur se sa është i lidhur Ballkani Perëndimor me statusin e Ukrainës dhe çfarë mund t’u ofrohet atyre vendeve, Von der Layen theksoi se pothuajse të gjitha vendet e Ballkanit Perëndimor janë në rrugën evropiane larg nga Ukraina.
“Shpresoj se do të gjejmë një zgjidhje, se më në fund do të jemi në gjendje të përmbushim premtimin tonë dhe të fillojmë negociatat e anëtarësimit. Bosnja, për shembull, mund të hyjë menjëherë në negociatat e pranimit kur të përmbushë 14 pikat kryesore. Ka pasur shumë përparim dhe kjo duhet pranuar,” tha ajo.
Të gjitha vendet e Ballkanit Perëndimor, përveç Serbisë, e kanë harmonizuar politikën e sanksioneve kundër Rusisë me Bashkimin Evropian.
Serbia është i vetmi vend kandidat për anëtarësim në BE që nuk ka vendosur sanksione kundër Rusisë.
© SYRI.net
350 kandidatë iu nënshtruan testit kualifikues për 24 prokurorë të rinj të shtetit
Shtime: Tre anëtarë të një familje dërgohen në Emergjencë, u rrahën mes vete
Parashikimi i motit për pesë ditë
Denonco
Merrni lajmet më të fundit nga SYRI.net në çdo moment dhe kudo që të jeni!
