Aksidentet në komunikacion janë një prej shkaqeve më të mëdha të vdekjeve në vend. Nga të dhënat e dërguara nga Policia e Kosovës për Demokracia.com nga 86 aksidente me fatalitet pati gjithsej 97 persona të vdekur prej muajit janar deri në tetor të këtij viti.
Një numër më i ulët i vdekjeve nga aksidentet me fatalitet ishte ai i vitit paraprak ku gjithsej 72 persona gjetën vdekjen në aksidentet e komunikacionit.
Nga periudha janar deri në tetor gjithashtu pati edhe 6 mijë e 259 aksidente me lëndime ndërsa 12 mijë e 114 persona u lënduan.
E, gjatë kësaj periudhe aksidente me dëme materiale ishin 11 mijë e 172 raste, që përkundër vdekjeve këto ishin më të larta se në vitin e kaluar, ku gjithsej u shënuan 7 mijë e 198 raste.
Nga të dhënat që Demokracia.com i ka nga Policia e Kosovës, tutje gjenden edhe të dhënat e tiketave të shqiptuara në trafik, për ndalimin e shoferëve për drejtim të automjeteve dhe të atyre që i kanë vendosur pikë negative.
Vetëm që nga janari deri në shtator të këtij viti janë shqiptuar gjithsej 313 mijë e 384 tiketa në trafik.
5 mijë e 556 shoferëve iu është ndaluar drejtimin e mjetit me veprim motorik dhe 13 mijë e 532 shoferëve iu vendosën pika negative.
‘’Janë shqiptuar gjithsej: 313384 Tiketa në trafik. 5556 shoferëve, iu është ndaluar drejtimi i mjetit me veprim motorik dhe 13532 shoferëve, iu kanë vendosur pikë negative’’, u tha në përgjigjen e Policisë së Kosovës.
© SYRI.net
350 kandidatë iu nënshtruan testit kualifikues për 24 prokurorë të rinj të shtetit
Shtime: Tre anëtarë të një familje dërgohen në Emergjencë, u rrahën mes vete
Parashikimi i motit për pesë ditë
Denonco
Merrni lajmet më të fundit nga SYRI.net në çdo moment dhe kudo që të jeni!
