Kryetari i AAK-së, Ramush Haradinaj, ka thënë se kryeministri i Kosovës, Albin Kurti, është fajtor për krizën energjetike nëpër të cilën po kalon Kosova.
Haradinaj thotë se si kryeministër i vendit, Kurti është dashur ta dijë se Kosova mund të përballet me krizë energjetike është rritur kërkesa.
Ai thotë se mospërgatitja e tij i kujton ish-ministrin e Shëndetësisë Arben Vitia.
“Kurti po ma qon mallin e Vitisë. Ministër Vdekja si e quanin. Edhe ministri Vitia kur u rritën numrat e vdekjeve u fsheh dikund dhe nuk dilte në publik. Ku është tash kryeministri. Është dashur ta dijë, nëse nuk është ai fajtor kush mund të jetë? A e di çka është më e keqja sot, njerëzit nuk kanë as ku të blejnë gjeneratorë. Kërkojnë të blejnë por nuk gjejnë pasi nuk ka”, ka thënë Haradinaj.
Haradinaj tutje e quajti Kurtin si mashtrues.
“Kurti është mashtrues, i kërkoi votat tash thotë s’kam faj”, shtoi ai në T7.
Kosova po përballet me krizë energjetike dhe qeveria ka shpallur masat e jashtëzakonshme të furnizimit me energji elektrike.
Qytetarët po përballen me reduktime të rrymës.
© SYRI.net
Kurti: Amerika është mikja dhe partnerja jonë historike
Hamza në Zvicër: Mërgimtarët janë shtyllë e pamohueshme ekonomike
Kurti i shpreh keqardhje Nënsekretares amerikane të Shtetit që Kosova s’u fut në agjendë për t’u anëtarësuar në KiE 
Denonco
Merrni lajmet më të fundit nga SYRI.net në çdo moment dhe kudo që të jeni!
