Ish-i dërguari i presidentit amerikan Donald Trump për dialogun ndërmjet Beogradit dhe Prishtinës, Richard Grenell, ka folur sërish për gazin amerikan.
Përmes një postimi në Twitter, Grenell ka ritheksuar faktin se Qeveria e Kosovës në krye me Albin Kurtin, ka refuzuar gazin e ofruar nga Amerika duke mos dhënë asnjë arsye.
“Kjo është e vërtete. Fatkeqësisht, qeveria aktuale e Kosovës refuzoi gazin e pastër nga SHBA. Albin Kurti asnjëherë nuk ka dhënë një përgjigje të mirë se përse e ka refuzuar”, ka shkruar Grenell.
Këto reagimi Grenell i bëri pas një postimi të gazetarit Berat Buzhala, ku ky i fundit ka thënë se Kurti ka refuzuar gazin nga Amerika për shkak të bindjeve të tij ideologjike.
“Qeveria e VV-së hodhi poshtë një gazsjellës që do të financohej nga MCC dhe BERZH dhe humbi një mundësi të artë për zgjidhje afatgjatë në diversifikim. Kjo u refuzua për arsye thjesht ideologjike. Kosova tani nuk do të lidhet kurrë me rrjetin e gazit, kështu që tani jemi të varur nga qymyri 2)”, ka shkruar Berat Buzhala në Twiter.
Qeveria e Kosovës kishte refuzuar projektin për gazin natyror, pasi qeveria kishte vënë kushte që nuk kanë mundur të realizohen.
This is true. Sadly, Kosovo’s current government rejected clean gas from the U.S. @albinkurti has never given a good answer as to why he rejected it. https://t.co/IL1IEe2TgS
— Richard Grenell (@RichardGrenell) December 27, 2021
© SYRI.net