Presidentja e Kosovës, Vjosa Osmani e ka shkarkuar Valdete Dakën nga pozita e kryetares së KQZ-së, shkruan Gazeta Express.
Lajmi nuk është konfirmuar nga presidenca. Ata nuk janë deklaruar edhe pse janë kontaktuar nga Syri.net Kosova.
Gjatë ditës është raportuar se Dakës i ishte kërkuar dorëheqja nga Osmani, por kjo e fundit ka refuzuar.
Raportet e Dakës me pushtetin e ri nuk kanë qenë aspak miqësore prej kohësh, sidomos pas pengesave në votimin nga diaspora dhe moslejimin e kandidimit në zgjedhje të Albin Kurtit.
I plotësuar:Në arsyetimin e Presidentes, të siguruar nga Gazeta Express, thuhet se kryesuesi i KQZ-së duhet të jetë i pavarur.
“Znj. Valdete Daka i ndërpritet mandati si Kryesuese e Komisionit Qendror të Zgjedhjeve të Republikës së Kosovës. 2. Vendimi hyn në fuqi në datën e nënshkrimit”, thuhet në vendim.
“Komisioni Qendror i Zgjedhjeve (KQZ) është organ kushtetues dhe i pavarur, i cili drejton dhe i veritikon te gjitha veprimet qe kane bëjnë me procesin e zgjedhjeve dhe gjithashtu i shpall rezultatet 0)00. Zgjedhjet si elementi me rendesishem i demokracisë, sidomos asaj përfaqësuese. janë te një rëndësie te veçante per secilin shtet. Ndërmarrja e veprimeve relevante ne lidhje me zgjedhjet, përfshirë organizimin dhe mbarëvajtjen e tyre nënkupton edhe obligimin themelor te KQZ-se si organ menaxhues i zgjedhjeve”, thuhet në vendim.
© SYRI.net