Kryetari i Komunës së Gjakovës Ardian Gjini priti ambasadorin e ri te Hungarisë në vendin tonë József Bencze, me të cilin ka biseduar për tema të ndryshme rreth komunës që ai udhëheq, projektet në zhvillim e sipër si dhe mundësitë e bashkëpunimit në mes të Komunës së Gjakovës dhe ambasadës hungareze, respektivisht shtetit te Hungarisë.
Si temë kryesore e këtij takimi ishte ndihma që Hungaria do të ofrojë në mbështetje të projektit për rregullimin e rrjetit të ujësjellësit, konkretisht ndërrimin e gypave të vjetër të asbestit.
Sipas ambasadorit Bencze Hungaria do të ofrojë një kredi të butë për qeverinë e Kosovës, mjete këto që do të dedikohen enkas për këtë projekt.
Kryetari Gjini dhe ambasadori Bencze kanë diskutuar edhe për mundësinë që ambasada hungareze ka ofruar për 75 studentë nga Kosova, duke u mundësuar atyre dhënien e bursave për të gjitha kategoritë e studimeve universitare.
Pas takimit, kryetari Gjini dhe ambasadori Bencze kanë vizituar disa nga projektet që po realizohen në Komunën e Gjakovës, siç janë parku i madh i qytetit, shëtitorja në lumin “Krena”, rehabilitimi i rrugëve në Çarshinë e vjetër e të tjera.
© SYRI.net
VIDEOMESAZH/ Berisha: Nëse jeni pro familjes...
BE: Serbia nuk mund të bëhet anëtare e BE-së pa normalizimin e raporteve me Kosovën
Del audio-incizimi i dytë i Bedri Shabanit, konfirmohet takimi fizik me oficerin e BIA-s
Denonco
Merrni lajmet më të fundit nga SYRI.net në çdo moment dhe kudo që të jeni!
