Këshilli Gjyqësor i Kosovës në bashkëpunim me përfaqësues nga zyra e BE-së në Kosovë kanë vizituar sot Gjykatën Themelore në Prishtinë, me qëllim që të diskutohen zhvillimet dhe arritjet në operacionalizimin dhe digjitalizimin e bazës kombëtare të të dhënave të evidencës penale e zbatuar nga Sistemi qendror kombëtar i evidencës penale (NCCRS).
Me këtë rast u bë e ditur se regjistrimi i dënimeve penale në sistemin qendror të evidencës penale ka arritur numrin në 250 mijë dënime të regjistruara.
Skender Çoçaj, Kryesues i Këshillit Gjyqësor të Kosovës, tha se numri i regjistrimit ka arritur në 250 mijë dhe sipas tij kjo është një arritje e madhe.
"Ky numër ka arritur në 250 mijë dënime të regjistruara, kjo është një arritje shumë e madhe dhe tejet inkurajuese. Gjykata Themelore është shembull. Regjistrimi i të dhënave do të lehtësojë punën edhe për qytetarët", tha ai.
Riccardo Serri, zëvendësshef i Zyrës së BE, tha se ky projekt është shumë i rëndësishëm për punën e gjyqësorit.
“Sundimi i ligjit është shumë i rëndësishëm për ne dhe rrugën drejt BE-së. Ky projekt është shumë i rëndësishëm dhe është baza për të bërë diçka. Ky projekt që e kemi mbështetur iu mundëson qytetarëve që të marrin shërbime më lehtë", tha ai.
Afërdita Bytyçi, kryetare e Gjykatës Themelore në Prishtinë, tha se nga ky projekt më së shumti do të përfitojnë qytetarët e vendit.
"Ky projekt do të jetë i dobishëm për vendin tonë. Deri me tani janë regjistruar 90 përqind e lëndëve. Sistemi do të gjenerojë të dhënat prej vitit 1999. Me këtë evidencë do të eliminojë çdo dilemë për të kaluarën e cdo qytetari", tha ajo.
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
