Policia e Kosovës ka arrestuar dje tre persona të dyshuar meshkuj, pasi që të njëjtit janë zënë duke bërë shit-blerje të narkotikëve.
Sipas policisë të dyshuarve u është gjetur 1.288 kilogramë heroinë, dy peshore digjitale, një kallash, pesë fishek dhe 295 euro para të gatshme.
Ngjarja ka ndodhur në lagjen “Kodra e Trimave”, në Prishtinë.
“Rr. Vëllezërit Fazliu, Prishtinë 15.01.2020 – 18:00. Pas një pune hetimore janë arrestuar tre të dyshuar meshkuj kosovarë pasi që dy prej tyre janë zënë në flagrancë duke bërë shit-blerje të narkotikëve, njëri nga ta ka tentuar të ikë. Në lidhje me rastin është konsultuar prokurori i shtetit i cili ka siguruar nga gjyqtari urdhrin verbal për bastisjen e shtëpive të të dyshuarve, ku janë gjetur dhe sekuestruar 1.288 kg (një kilogram e dyqind e tetëdhjetë e tetë gram) substancë narkotike e dyshuar e llojit heroinë, dy peshore digjitale, një AK 47 me një karikator dhe pesë fishekë si dhe 295 € para të gatshme. Me vendim të prokurorit të dyshuarit dërgohen në mbajtje”, thuhet në raportin e Policisë.
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
