Skandal në Kosovë: Si po mashtrohen gratë kosovare nga një llogari e rrejshme në Facebook, po dërgojnë foto pastaj po shantazhohen

10:47, 30/10/2020

Jo rrallë herë persona të caktuar krijojnë llogari false në rrjetet sociale, kjo për çështje dhe interesa të ndryshme.

Së fundi, një person i dyshuar i është bashkuar një Grupi të grave në rrjetet sociale, në të cilën bëhet shitja e gjësendeve të ndryshme, të përdorura.

Personi në fjalë, gjinia e së cilit nuk dihet, ka kërkuar nga disa gra që rrobat që i kanë për shitje, “T’i veshin, të bëjnë video para dhe prapa”, kjo pasi që siç edhe ka thënë, kështu i kërkon shefi i tij.

Disa nga to edhe kanë realizuar video për personin në fjalë, të cilave edhe u është kërkuar pastaj të dalin për takim.

Ato që kanë refuzuar të bëjnë një gjë të tillë, nga po e e njëjta llogari false, janë ofenduar dhe janë shantazhuar.

Sipas tyre, rasti është raportuar edhe në Polici, ku edhe po merren me rastin në fjalë.