Gjykata Themelore në Prishtinë ka aprovuar kërkesën e Prokurorisë Themelore të Prishtinës për caktimin e masës së paraburgimit kundër të pandehurit Labinot Gruda për shkak të veprës penale keqpërdorimi i pozitës apo autoritetit zyrtar.
Gruda dyshohet për skandalin e vjedhjes së 2 milionë eurove nga Thesari i Kosovës.
Të pandehurit L.G i është caktuar masa e paraburgimit në kohëzgjatje prej një muaji duke filluar nga 21 tetori deri me 20 nëntor të këtij viti.
Gjyqtari e procedurës paraprake pas mbajtjes së seancës dëgjimore dhe pas analizimit të shkresave të lëndës gjeti se kërkesa e Prokurorisë Themelore në Prishtinë për caktimin e paraburgimit është e bazuar.
© SYRI.net