Super operacioni ndërkombëtar antidrogë ku policia e Firencës shkatërroi një kartel kriminal të konsideruar ‘ udhëheqës i grupeve shqiptare të specializuar në trafikun e drogës ishte sot në qëndër të mediave shqiptare si dhe ato të huaja.
Mbi 5.5 milion euro dhe gati 4 ton kokainë u sekuestruan në këtë super operacion.
Në total u lëshuan 31 masa arresti ndërsa 20 persona u arrestuan.
Të arrestuarit akuzohen në mënyra të ndryshme përsa i përket pjesmarrjeve të tyre në këto grupe kriminale që synonin trafikimin ndërkombëtar të drogës.
Arrestimet përveç vendit tonë kanë përfshirë dhe qytetet e Firencës, Genovës, Modenës, Pisën dhe Lucca në Itali dhe një numër vendesh të huaja si Emiratet e Bashkuara Arabe, Gjermanin, Greqinë, Hollandën, rumaninë, Hungarinë dhe Ekuadorin.
Sipas prokurorisë italianë marrësit e masave ishin pjesë e kartelit ‘Kompania Bello’ një organizatë në të gjitha aspektet paralele me atë të karteleve të mëdha në Amerikën e Jugut për t'u konsideruar " pikë e padiskutueshme dhe e lartë referimi për grupet shqiptare të specializuara në trafikun e drogës ".
Kokaina e importuar nga karteli kishte edhe logon e vet, "Bello", të stampuar në blloqe.
Karteli kishte degëzime në Itali, Hollandë, Belgjikë, Ekuador, Austri, Zvicër, Francë, Zvicër, Francë, Norvegji, Turqi, Gjermani.
Një pjesë e të ardhurave nga shitja e kokainës përdorej për të paguar tarifat ligjorë në rast të arrestimeve të bashkëpunëtorëve të tyre dhe për të mbështetur anëtarët e familjes së tyre.
Rregulli 50 me 50 : Karteli i fuqishëm i drogës organizonte ngarkesa me disa kuintal drogë në të njëjtën kohë ndiqte rregullin 50 me 50 që do të thotë gjysma e ngarkesës ishte në pronësi të organizatave shqiptare , gjysma e atyre të Amerikës së Jugut .
© SYRI.net