E rëndë/Një person vdes në shtyllë elektrike në Bërrnicë

21:19, 16/09/2020

Një person ka vdekur në fshatin Bërnicë të Prishtinës, të mërkurën në mbrëmje, në një shtyllë elektrike.

Sipas një njoftimi nga Policia e Kosovës, personi kishte mbetur për një kohë në shtyllën elektrike, ndërsa pasi është zbritur në tokë është konstatuar se është pa shenja jete.

Zëdhënësi i Policisë për Rajonin e Prishtinës, Bajram Krasniqi, i ka thënë KOHËS, se për rastin Policia ishte njoftuar rreth orës 19:30. Ai ka thënë se me këtë rast janë njoftuar edhe ekipet emergjente mjekësore, KEDS-i dhe zjarrfikësit. Ndërkaq, rreth orës 21:00, ai ka njoftuar se personi që kishte mbetur në shtyllë ishte zbritur në tokë, e që “sipas ekipit mjekësor, ai është pa shenja jete”.