Identifikohet autori i ngjarjes në Peqin, ja kush është viktima, çfarë thotë policia

08:46, 11/09/2020

Identifikohet emri i viktimës në Peqin, si dhe autori i krimit të rëndë. Ngjarja u shënua mbrëmë në fshatin Lolaj të Peqinit.

Mësohet se 51-vjeçari Sefedin Çelmeta pas një sherri ka goditur me gurë bashkëfshatarin e tij, Shyqyri Hema, 64 vjeç, duke i shkaktuar këtij të fundit vdekjen.

Ja njoftimi i plotë i policisë:

Specialistët për Hetimin e Krimit në Komisariatin e Policisë Peqin, arrestuan në flagrancë shtetasin:

S.Ç., 51 vjeç, banues në fshatin Lolaj, Peqin.

Arrestimi i tij u bë pasi më datë 10.09.2020, rreth orës 23:30 , në fshatin Lolaj, Peqin, gjatë një konflikti të çastit për motive të dobëta shtetasi S.Ç ka goditur me mjet të fortë ( gurë), shtetasin Sh.H., 64 vjeç, banues në fshatin Lolaj, Peqin, i cili si pasojë e plagëve të marra ka ndërruar jetë sapo ka mbërritur në Spitalin Rajonal të Elbasanit.

Materialet hetimore i kaluan Prokurorisë pranë Gjykatës së Shkallës Parë Elbasan, për veprën penale, “Vrasje me dashje”.

© SYRI.net

Lexo edhe:

• Aksioni i gjerë i Policisë në Prishtinë: Ky është personi që u kap me heroinë dhe marihuanë
• KEDS bën me rrjet nëntokësor sheshin e qytetit të Suharekës
• Ushtroi dhunë ndaj prindërve, dërgohet pas grilave