Princi William, Duka i Kembrixhit dhe Catherine, Dukesha e Kembrixhit, thuhet se janë bërë ‘prindër të rinj’, pasi së fundmi ata kanë marrë një qenush në familjen e tyre.
Duka dhe Dukesha e Kembrixhit u trishtuan shumë pas ngordhjes së qenit të tyre të dashur Lupo dy muaj më parë, por çifti mbretëror dhe tre fëmijët e tyre George, Charlotte dhe Louis thuhet se tani "kanë një qenush të ri".
'Daily Mail 'raporton se qenushi i ri, i është dhuruar çiftit nga nga vëllai i Kate, James Middleton, para vdekjes së Lupos.
James, 33 vjeç dhe e fejuara e tij Alizee Thevenet, 31 vjeç, postuan fotografi të këlyshëve në Instagram në korrik, duke zbuluar që pas plot 56 ditëve të të ushqyerit e të
vegjëlve, ai ishte gati t’i dërgonte të gjithë në shtëpitë e tyre përgjithmonë.
James fillimisht i dha Lupon Dukeshës për Krishtlindje në 2011 .
Në nëntor, William dhe Kate konfirmuan përmes Instagram se Lupo kishte ngordhur.
"Shumë fatkeqësisht fundjavën e kaluar qeni ynë i dashur, Lupo, vdiq. Ai ka qenë në zemër të familjes tonë për nëntë vitet e fundit dhe do të na mungojë shumë. - W & C.", shkruajti dyshja në faqen e tyre zyrtare.
Lupo ishte aq i rëndësishëm për familjen sa Princi William iu referua kafshës shtëpiake në intervistën e tij të parë zyrtare pasi u bë baba në 2013.
Ai tha: "Për mua, Catherine, dhe tani George i vogël, janë përparësitë e mia. Dhe Lupo gjithashtu”.
© SYRI.net