Një variant i ri i virusit Covid-19 i njohur si “Mu” ose B1621 i cili u identifikua për herë të parë në Kolumbi në janar 2021, po monitorohet me kujdes nga Organizata Botërore e Shëndetit (OBSH).
Duke e zbuluar këtë të martën, në buletinin e saj javor të pandemisë, agjencia globale e shëndetit tha se Mu e cila është klasifikuar si një “variant i interesit”, ka mutacione që tregojnë një rrezik të rezistencës ndaj vaksinave edhe pse vuri në dukje se duheshin studime të mëtejshme për të përmirësuar kuptoje
“Varianti Mu ka një plejadë mutacionesh që tregojnë vetitë e mundshme të shpëtimit imunitar,” thuhej në buletin.
Ekziston një shqetësim i përhapur në lidhje me shfaqjen e mutacioneve të reja të virusit pasi normat e infeksionit rriten përsëri në nivel global, me variantin shumë të transmetueshëm Delta që po zë vend-veçanërisht në mesin e të pa-vaksinuarve-dhe në rajonet ku masat kundër virusit janë lehtësuar.
Të gjithë viruset, përfshirë virusin Covid-19, ndryshojnë me kalimin e kohës dhe shumica e mutacioneve kanë pak ose aspak efekt në vetitë e virusit.
Sipas “The Guardian” ai është më rezistent ndaj vaksinave dhe më agresiv krahasuar me variantin “Beta”. Megjithatë, sipas njoftimit nga OBSH, do të duhen edhe më tepër studime për të arritur në një përfundim të mirëfilltë mbi natyrën e këtij varianti të ri.
“Që prej rastit të parë të variantit “M” të shfaqur në Kolumbi në janar të vitit 2021, ka pasur edhe shpërthime të tjera të këtij mutacioni edhe në vende të tjera të Amerikës Latine dhe Evropë. Megjithatë, prevalence e këtij mutacioni në botë tani është 0.1 për qind, në Kolumbi 39 për qind dhe në Ekuador, 13 për qind”, raporton OBSH.
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
